Pinag-iingat ng mga pulis ang mga mamamayan ng Olongapo laban sa grupong tinaguriang gagamba boys.
Ito ang mga suspek sa pandurukot na ang modus ay halos kapareho ng salisi gang o ang pagkuha ng atensyon ng bibiktimahin hanggang sa madukot ang mahahalagang gamit sa loob ng bag.
Ayon kay Olongapo Police Station 1 Commander Pmajor.Exodus Rodriguez, napakahalagang alam ng lahat kung papaanong iwasan ang mga ganitong uri ng modus na kadalasang namimili ng target.
Payo ni Rodriguez, iwasang makipag-usap sa di kakilala,huwag ugaliin ang paglalantad ng mga mamahaling gamit habang nasa pampublikong lugar at sanayin ang sarili na laging maging alerto sa lahat ng oras.//Christian Andres-BNFM OLONGAPO
