Naga reklamo gihapon ang mga empleyado sa Local Government Unit sa General Santos gumikan sa kalangay sa ilang sweldo hantud niining panahona bisan kon anaa na ang taga Bureau of Lokal Governmnet Finance kon BLGF Director.
Sumala kay Purok Kagawad Boyet Bagatao sa Barangay Affairs Office wala pa gihapon ang ilang sweldo,nagpait na sila kay nangutang lang samtang naga hulat sa ilang sweldo kaniadtong bulan sa Desyembre 2021 wala pay labot ang sa bulan sa Enero 2022.
Samtang nag Post usab sa Facebook ang usa ka empleyado gikan sa Human Resource nga nagpakita sa iyang dagway unya ang Caption mao ni ang dagway sa wala ma sweldohi.
Sa pagpanubay sa 89.5 Brigada NewsFM Gensan sa Assistant Department Head sa Treasurers Office nga si Zenaida Eturma sumala niini nga nag overtime sila adlaw nga sabado og siya usab iyang gidala sa ilang balay ang mga permahanan aron mahuman.
Gidugang ni Etur nga lakip na sa iyang gi permahan ang sweldo o gang SRA sa mga Health Workers nga dugay na nila ginahulat,samtang sa pagdawat og sweldo possible matud pa sa pinakapaspas nga proseso ma release na adlaw nga Lunes Enero 31 og ang sa SRA gumikan anaa kani sa Trustfund possible nga usa hantud duha ka semana pa ma release.
Gikumperma usab ni Eturma nga gi deligate kaniya sa taga BLGF ang katungdanan sa pag perma mao nga usa siya sa naga perma sa ginasunod nga proseso.
