HANGTUD Marso 24 pa ang training sa electoral board nga magsilbi sa May 9 elections sa GenSan.
Kini ang gibutyag ni Clint Dumaguit, tigpamaba sa Comelec-GenSan nga ang training nagsugod niadtong Marso 2 aron masuhito sa paggamit og VCM ang mga magtutudlo nga magsilbi sa eleksyon sa Mayo 9 kauban ang mga watcher.
Samtang alang sa mga botante kung may pagduda sa ilang record, giawhag ni Dumaguit nga moadto lang sa ilang opisina sa sunod semana human sa ilang training aron makigsayod.
Mas maayo usab masayran nang daan ang cluster o precint area aron nga dili na mawala sa pagpangita unya pag-abot na sa adlaw sa pagboto.
Abli ang Comelec GenSan, Lunes hangtud Dominggo ug matud ni Dumaguit bisan holiday ug Holy Week abli sila aron mo-atiman sa concernes sa mga botante.
