GITUBAG ni Dr. Antonio Ephraim Marin, labaw sa City Veterinary Office ang pangutana ug concerns sa mga backyard raisers sa purok San Lorenzo, Brgy.Apopong nga apektado sa isolated case sa ASF.
Segun ni Ivan Valencia nga ang pagbuhi og baboy lang ang iyang gisaligan sa iyang pamilya mao nga maglisod na sila karon nga wala nay source sa panginabuhian mao nga gusto nga mapadali ang rehabilitasyon.
Gipasalig usab ni Dr. Marin human ma-clear ang area nga gitawag nga ground zero, mga unom ka bulan pa ang ilungtad bag-o magdesisyon ang Department of Agriculture kung subling makabuhi og baboy sa maong lugar.
Gusto lang sa ahensya nga maprotektahan ang bilyones pesos nga hog industry sa GenSan mao nga gipaningkamutan nga dili na mokatag pa ang ASF.
Samtang hangyo ni Nelly Medilo nga magbuhi una sila og manok samtang gihulat pa ang desisyon sa DA kanus-a sila subling makabuhi og baboy.
Tambag ni Marin nga mag-meeting usa ang 54 ka apektadong pamilya aron masayran unsa ang ilang tagsa tagsa ka mga gustong livelihood tungod dili usab daw niini pasagdan ang mga nahisgutan.
Gipasalig usab ni Marin nga ang DA na ang mag provide unya og piglets ugaling tugutan nga subling makabuhi og baboy ang mga residente sa maong lugar.
