MAGPAHIGAYON og weekly disinfection ang City Veterinary Office sa purok San Lorenzo, Brgy.Apopong nga ground zero tungod sa kaso sa African Swine Fever o ASF.
Kini ang gibutyag ni Dr. Antonio Ephraim Marin, labaw sa City Veterinary Office dungan sa pagpahugot sa ASF checkpoint sa GenSan aron dili na makasulod ang maong sakit sa baboy.
Gikumpirma usab niini nga mokabat sa 54 ka household ang apektado ug gipasalig nga iduol ang mga nahisgutan sa pribado ug ahensya sa gobyerno alang sa laing panginabuhian.
Gidugang pa ni Marin, nga mulongtad sa unom ka bulan bag-o makabalik sa pagbuhi og baboy ang mga residente sa maong lugar apan dependi gihapon sa Department of Agriculture, tungod basin makawang unya ang gihimong pag-contained.
Sa karon mangayo og tabang sa LGU ang City Vet aron madugangan pa ang mga personahe nga mobantay sa mga ASF checkpoint tungod nagtuo si Marin gikan sa red zone areas ang nakasulod nga ASF sa GenSan. Aminado usab si Marin nga gihimo ang paspas nga aksyon aron dili mahimong red zone ang GenSan.
