PADAYON karon ang panawagan sa labaw sa komitiba sa maayong panglawas sa Barangay Bula alang sa taga barangay nga wala pa nakapabakuna nga balik karon sa regular ang vaccination human sa bakunahan alang sa mga kabataan nga naga-edad 12-17 anyos milabay nga semana.
Sa kumpermasyon ni Committee on Health Chairperson Dong Gonzales malampuson ang Resbakunahan alang sa kabataan gumikan ubay-ubay usab sa taga Bula ang niadto sa ilang vaccination site particular sa Robinsons Mall.
Subay sa record sa Rural Health Unit sa Bula sa pagpanguna ni Dr. Ruth Camarillo sa milabay nga Lunes nakabakuna sila og 388, sa Martes 213, sa Miyerkules 245, sa Huwebis- 224 ug sa katibuk-an mokabat sa 1,070 ang nabakunahan, sa mao nga datus sagol na dinhi ang mga edaran ug mga kabataan.
Samtang sa karong semanaha balik sumala sa normal ang bakunahan sa Bula nga ginahimo sa mall adlaw nga Lunes, Martes, Huwebis ug Biyernes. I Ver Diazon
