SUPORTADO ni Commission on Higher Education Chairman Prospero De Vera ang pag-abli sa College of Medicine sa MSU GenSan aron ma-upgrade ang medical programa dili lang sa mga pribadong tulunghaan kundili sa mga unibersidad nga sagad ginatunghaan sa mga estudyante.
Sa pagbisita ni De Vera sa Mindanao State University dungan sa gipirmahang kasabutan sa pagpalit og mga facilities alang sa College of Medicine gibutyag niini nga kinahanglang adunay igong equipment ang mga public schools aron makatabang sa mas malamboon nga pagtuon sa mga estudyante nga motungha sa kurso nga medical.
Gipahimangno niini sa mga opisyal sa MSU nga ang pondo sa gobyerno alang niini kinahanglan magamit sa husto ug makapalit og maayong ekipo aron magamit sa pagtuon.
Buot niini nga magikan sa MSU-GenSan College of Medicine ang mga topnotchers, aron mapakita sa publiko nga malampuson ang programa ug daghang estudyante ang matabangan. I Enamie Mogpon
