NAGPAUSBAW na sa ilang presyo sa karneng baboy ang Meat Vendors Multipurpose Cooperative sa General Santos City sugod adlaw nga Lunes gumikan na-apektuhan usab sa usbaw sa lana.
Sa kumpermasyon sa ilang presidente nga si Toto Mosqueda nahuman na sila og meeting unya nahukman sa mga miyembro sa coop nga magpausbaw sa presyo gumikan naigo usab sila sa ilang kumprada sa farm gate price og sa ilang delivery cost nga ginatubilan og krudo o gasolina ang mga sakyanan.
Ang presyo sa laman ug porkchop-P310,
Ribs, mascara ug pata- P280, soft bones-P220, atay- P170, impella- P140,
laman loob- P130.
Ang farmgate price sa baboy sa mga piggery nisaka usab daw gikan sa P180 pesos ngadto sa P190 pesos matag kilo.
Tungod niini, nagapangayo og pagsabot sa ilang mga suki ang pangulo sa meat vendors kalabot sa P20 pesos nga usbaw sa ilang presyo sa karne sa baboy. I Ver Diazon
