GINAPAHIBALO sa pangulo sa Meat Vendors Multipurpose Cooperative sa Central Public Market nga gikatakda nga magtagbo sila sa ilang mga membro aron hisgotan ang gikatakdang usbaw sa presyo sa karning baboy gumikan usab sa pagsaka sa presyo sa lana.
Sa pahayag sa pangulo sa Meat Vendors nga si Toto Mosqueda gikumperma niini sa Brigada nga nakatakda sila nga mopa-usbaw sa presyo sa karneng baboy gumikan nisaka usab ang farm gate price sa buhing baboy nga ilang ginakumpra ug ginapa-ihaw sa slaughterhouse.
Ang usbaw anaa posible sa 10 pesos sa matag kilo, gikan sa P290 pesos nga presyo sa unod mamahimo na nga P300 pesos samtang ang belly gikan sa P310 pesos ang kilo mamahimo na nga 320 Pesos matag kilo.
Gidugang ni Mosqueda nga ang Farm Gate Price nagadula sa P180-185 pesos matag kilo,samtang anaa lang sa 10 porsyento ang nagagikan sa backyard piggery ang gigikanan sa ilang ginabaligya nga karne, wala pa usab sila nakakumpra sa Apopong sukad nga gibawal gumikan sa usa ka kaso sa African Swine Fever kon ASF.
Maghatag lang usab sila og kalamboan sa Brigada kalabot sa resulta sa ilang ipahigayon nga meeting. I Ver Diazon
