PURO saad pa lang ug wala pay katumanan ang ubang tabang nga gipasalig. Kini ang gibutyag ni Ivan Valencia usa sa magbababoy nga apektado sa pag-culling sa City Veterinary Office ang ilang gialimahang baboy tungod sa contamination sa African Swine Fever kun ASF niadtong Enero 25 sa Purok San Lorenzo Ruiz, Brgy.Apopong.
Segun ni Valencia, wala man sila gapangayo og milyon apan gusto lang nga atubangon sila sa mga opisyal sa LGU-Gensan ug masayran kung unsa ang mahatag nga tabang ngadto kanila tungod panginabuhian ang nawala.
Sukad niadtong gihatagan sila og upat ka kilo sa bugas, tulo ka gamayng delata sa beef loaf ug piso nga tag 60 ka buok, wala nay dugang hinabang nga nadawat.
May ginaproseso pa ang CSWDO nga ihatag matud pa kanila nga cash assistance nga tag P5,000 sa kada pamilya nga apektado sa culling.
Gani, dugang ni Valencia, mutukod sila og kooperatiba sa tabang sa CEMCDO aron nga aduna silay laing mapanginabuhian.
