LEGAZPI CITY – Tinawan-duon kan Albay Veterinary Office na dai pa man kaipuhan magpautob ki mass culling sa ibong kan nairehistrong kaso nin African Swine Fever (ASF) sa Ligao City.
Sa intrevista kan Brigada News FM Legazpi kay Provincial Veterinarian Dr. Pancho Mella, sinabi kaini na sarong case pa man sana kaya an kumpirmado asin pigsisiyerto nindang dai na magkakaigwa ki outbreak.
Antes su boot magsagibo ki mass culling, magkakaigwa muna ki pagkuwa ki sample sa mga orig na may partikular na numero depende sa presenteng populasyon kaini sa bilog sa syudad.
Mientrastanto, nakumpleto na man ini kan lokal na gobyerno asin pighahalat na sana an resulta hale sa pinadarahang laboratory.
Katakod kaini, nagpagirumdom si Mella sa mga hog raiser na magin vigilante asin kun mahilingan ki sensyales an saindang orig tulos na mag-report sa mga City Veterinary Office huli ta importante an early detection nganing madaling ma-control.
