Isinusulong ngayon sa mababang kapulungan ng Kongreso ang isang panukala na naglalayong patawan ng mas mabigat na parusa ang mga namemeke ng medical certificates pati na nang COVID-19 vaccination cards.
Sa House Bill no. 9946 nakasaad ang kahalagahan ng naturang mga dokumento sa mobility ng publiko ngayong may pandemya.
Kasabay nito marami din ang report ng pamemeke ng medical record at vaccination cards para lamang makuha ang benipisyo ng bakunadong indibidwal.
Tinukoy naman sa panukala ang pag-amyenda sa article 174 ng revised penal code para sa lalabag sa naturang batas.
Batay sa House Bill itataas sa 6 na buwan hangang anim na taong pagkakakulong at multang aabot sa P250,000 ang sinumang indibidwal o doktor na mapapatunayang nameke ng vaccination cards, medical at laboratory results at kahalintulad na mga dokumento sa panahon ng national health emergency.
