Priso sa Jamindan Municipal Police Station ang isa ka mangunguma matapos nakuhaan sang iligal nga armas-luthang sa sulod sang iya balay sang ini ang gin-implementaran sang search warrant sang mga kapulisan sa Sitio Hunod, Brgy. Agbun-od, Jamindan, Capiz.
Ginkilala ang akusado kay alyas Fausto, 60-anyos kag residente sang nasambit nga lugar.
Narekober sa paghinakop sang akusado ang isa ka unit sang 38 revolver, 14 ka bala sang 9mm pistol, kag 1 ka bala sang caliber 22 pistol.
Ang search warrant ang gin-isyu kag ginpirmahan ni Judge Judith D. Orendain-Tonogbanua, Regional Trial Court, Sixth Judicial Region, Branch 20, Mambusao, Capiz.
Sa karon, natalana ini nga pasakaan sang nagakaigo nga panumbungon. | Judy Ann Juare
