Arestado ang isa ka driver matapos nabaklan sang shabu sa Brgy. San Nicolas, Tapaz, Capiz takna alas 10:25 kaina sang aga, Domingo, Enero 28.
Ginkilala ang nadakpan kay alyas Ame, 38-anyos kag residente man sang nasambit nga barangay.
Nakuha sa iya paghinakop ang isa ka sachet sang ginasuspetsahan shabu kag P2,500 nga buy-bust money.
Ginabanta nagabug-at sang 10 gramos ang nakumpiskar nga shabu kag may yara sang standard drug price nga P68,000.
Nahibaluan nga ginakabig Street Level Individual (SLI) ang suspetsado.
Sa karon, nagapabilin sa kustodiya sang Tapaz PNP ang suspek para sa nagakaigo nga disposisyon. | Judy Ann Juare
