NAGLAOM ang labaw sa kapulisan sa rehiyon-12 nga magpadayon ang kalinaw sa pagsugod sa kampanya alang sa 2022 eleksyon. Matud ni BGen. Alexander Tagum, Regional Director sa Police Regional Office (PRO) 12 nagpasalamat kini sa mga ‘aspirants’.
Sa pagpabilin sa kahapsay ug kalinaw atol sa filing of certificate of candidacy (COC) nga nahuman atong Nobyembre 15. Dungan niini, gipangandaman na sa PRO-12 ang seguridad nga ipatuman sa taliabot nga kampanya ug sa mismong piniliay. Nakig-pulong na usab sila sa mga personahe sa Commission on Election (Comelec) ug counterparts sama sa kasundalohan kalabut niini.
Sa listahan sa PRO-12, kinatibuk-ang 1,483 ang aspirants sa 551 ka posisyon sa rehiyon. Lakip niini ang 24 ka congressional post; 12 ka gubernatorial post; 10 vice gubernatorial; 104 ka provincial board members. Apil ang 134 ka mayoralty candidates; 115 sa vice mayoralty ug 1,047 alang sa city ug municipal councillors ang nakafile sa ilang COCs ug Certificates of Nomination and Acceptance (CONAs). ( Richel Gubalani)
