GIAWHAG sa kasundalohan ang publiko nga makigtinabangay aron maresolba ang problema sa ‘armed conflict’. Partikular na ang dala sumala pa nga kagubot sa Communist Party of the Philippine- New People’s Army (CPP-NPA).
Matud ni Major Gen. Ernesto Torres Jr., commander sa 10th Infantry Division (10ID) Philippine Army angayang motindog ang tanan. Aron batukan tuldukan ang local communist armed conflict sa Mindanao.
Dugang ni Torres, nakig-alayon na ang tanang ahensiya sa gobyerno aron maila ang tanang social issue nga ginakapital sa NPA. Kini ang tumong sa pagmugna sa National Task Force to End Local Communist Armed Conflict (NTF-ELCAC) ang whole of nation approach.
Sa ilang bahin gikan Enero hangtud Oktubre ning tuiga, naa na sa 240 nagkadaiyang kalibre sa armas ang narekober gikan sa duha ka Infantry Brigade ilawom sa 10th ID. Samtang naa sa 605 gikaengong sakop sa NPA ang misurender ug neutralize, 27 niini ang lider sa mga guerrilla front. Lakip misurender ang siyam ka secretary sa guerrilla front, upat ka kumander, walo ka vice commander, upat ka policitical instructor ug nagkakubkob sila og duha ka kampo sa NPA.
Samtang miubos ang koleksyon sa grupo sa ‘extortion activities’ ug nanawagan sa mga kandidato nga likayan ang pagbayad og “Permit to win’ sa grupo. ( Richel Gubalani)
