NAGUOL ang mga pamilya nga nasunugan sa Purok Saeg, Calumpang tungod hangtod na lamang ugma, November 19, ang pagtugot kanila nga mupuyo sa evacuation center sa Romana Elementary School.
Sumala ni Melanie Sobel, 48-anyos, nga maghangyo na lamang siya kang kapitan Ryan Dupalco, nga lugwayan pa unta og pipila ka adlaw silang manimuyo sa evacuaton center, tungod anaa syay gagmay nga apo ug wala pa silay nakita nga balay nga ilang mapuy-an.
Dili unta sila musugot nga mohawa mintras nga wala pay silay kabalhinan, apan kung kinahanglan na gyud silang pahawaon unta hatagan na silag relocation area, aron ang mga pinansyal nga ayuda nga ilang nadawat hinay-hinay na nilang ipatukod og gamay nga payag.
Tungod lisod matud pa nga mag-arkila pa sila og balay, musamot ang ilang kalisod. Sa bahin usab ni Kapitan Ryan Dupalco sa Barangay Calumpang, nga gamiton sa Deped ang eskwelahan tungod adunay pagahimoon nga aktibidad. Ug sumala niini nga mangita na lang usa og temporaryong kapuy-an ang mga residente nga nagpuyo sa maong temporary shelter. ( Enamie Mogpon)
