Sa unang pagkakataon lalaban ang Pilipinas sa World Cup of Football matapos talunin ang Chinese-Taipei via penalty shoot-out sa quarterfinals ng AFC Women’s Asia Cup.
Sinelyuhan nina Sarina Bolden ang panalo 4-3, at dalawang save ng goal keeper na si Olivia McDaniel.
Dahil dito nakuha ng Philippine Womens Football Club Malditas ang tiket sa FIFA World Cup 2023 at mapabilang sa 32 elite teams.
Ang naturang torneyo kung saan co-host ang Australia at New Zealand ay gaganapin sa Hulyo 20 hanggang Agosto 20, 2023.
Nabatid na wala pang Philippine team ng kahit anong kasarian ang nakasungkit ng puwesto sa pinakaprestihiyosong kompetisyon ng football.
