CAMARINES NORTE- Aabot sa 34 na motorista ang naisyuhan ng violation ticket sa isinagawang anti carnapping operation at oplan sita ng PNP Highway Patrol Group sa Barangay Gubat, at Daet- Mercedes boundary Martes ng umaga.
Tumagal ng dalawang oras ang operasyon katuwang ang local traffic enforcers na nagsimula dakong alas 8:30 ng umaga.
Karamihan sa inisyung ticket ay Traffic Citations Ticket (TCT) na nasa 32 habang dalawa naman ang Temporary Operator’s Permit (TOP).
Kabilang sa mga violation ay walang driver’s license, kabiguang dalhin ang official receipt at certificate of registration ng sasakyan, no plate attached, hindi pagamit ng seatbelt ng seatbelt, hindi pagsusuot ng helmet at paggamit ng unauthorized helmet.
Dalawang sasakyan naman ang na impound sa nasabing operasyon.
Inaasahang mas magiging madalas pa ang presensiya ng HPG sa kalsada dahil na rin sa nalalapit na pagunita ng undas.
Paalala naman sa mga motorista na sumunod sa batas upang iwas multa at abala.
