VALDERRAMA, ANTIQUE—Buwis-buhay do pagsalbar it PDRRMO Antique ag MDRRMO Valderrama sa mag-inang na-trap sa tunga it nagaragasang tubi sa Cangaranan River sa bahin it Barangay Canipayan, Valderrama, Antique.
Ginkilaea do mga raya nga sanday Imelda Landiga, 61-anyos ag Lynica Magbanua, 31-anyos parehong residente it nasambit nga lugar.
Base sa report it Antique Provincial Risk Reduction Management Office, na-trap do daywang ka mga babaye matapos maghana nga bue-on do andang alagang baka sa pihak nga pampang apang owa eon nakatabok matapos maabutan it nagaragasang tubi matapos bumuhos do mabaskog nga uean hatod it bagyong Jolina.
Nag-abot man it pitong oras bago naeowas do mag-ina bangud maeapad do suba ag mabaskog do sueog kung siin insigida man nga ginataw-an it first aide do mga raya bago ginpauli. // SHERRY ANNE REUNIR-VIDAL
