KALIBO, AKLAN—Sangka lane eamang do puwede nga maagihan sa karsada nga sakop it Brgy. Dumlog, Malay, Aklan.
Raya hay matapos gumuho do porsyon it daean tuga it owa it untat nga pag-ilinuean daea it bagyong Jolina.
May nailista man nga landslide sa nasabit nga lugar kung siin insigida man nga nagpatigayon it clearing operation do PEO o Provincial Engineering Office agud nga mabuoe do mga debris sa daean.
Sa pihak nga parte, bangud sa bagyo hay nakalista man it pagbaha sa pilang banwa sa Aklan kaeakip sa isla it Boracay. // SHERRY ANNE REUNIR-VIDAL
