Viral karon sa social media ang madinalag-on nga pagsaka kag pagmisa sang tatlo ka mga pari sa tuktok sang Mt. Guiting-Guiting sa Sibuyan Island, Romblon sang nakaligad nga Hunyo 5, 2024.
Ginkilala ang mga pari nagikan sa Capiz nga sanday Fr. Mlex Gevero nga nadestino sa Panay; Fr. Kris Senerez sang Lucero, Jamindan; kag Fr. Albert John Fietas sang Dioceses of Romblon.
Sa facebook post ni Fr. Fietas, ginpahayag sini nga ini ang pangduha nga pagsaka sang pari kaupod ang duha sini ka mga abyan gikan sa archdiocese of Capiz, ginpangamuyo man sini sa Ginoo nga mag-untat ang ulan sang bisan 30-minutos apang sa baylo ginhatagan sila sang 1 ka oras sa 360-degree view sang Sibuyan Island.| Ken Mark Gicalde