Tuman ang kasubo sang isa ka manog baligya sang isda matapos natukiban nga peke ang kwarta nga bayad sa iya sang tinalikdan nga Hunyo 9, sa Barangay Bolo, Roxas City, Capiz.
Suno sa biktima, isa ka lalaki ang nanaog sa motorsiklo kag nagbakal sa iya sang isda nga nagabalor sang P120 kag nagbayad sang P1,000 kag iya naman ginsinsilyohan.
Nahibaluan na lamang sini nga peke ang ginbayad sa iya sang ini na ang mabayad kuntani sa iya man gin-utangan.| Frances Joy Preciosa
