CAMARINES NORTE- Nagbabala ang Lokal na Pamahalaang bayan ng Labo sa mga may-ari ng establisimyento na sundin ang mga ipinapatupad ng batas kaugnay sa pagproseso ng mga kaukulang dokumento at papeles ng kanilang mga negosyo
Kamakailan ay nasampolan ang isang bahay aliwan sa Barangay Masalong, Labo, Camarines Norte ng Municipal Treasurer’s Office katuwang ang kapulisan ng Labo MPS
Sa report ng naturang pulisya, ang ipinasarang establisimyento ay hindi nakapagsumite ng mga kaukulang dokumento at papeles na kailangan sa pagkuha ng business permit.
Dagdag rito, diumano ang naturang establisyemento ay hindi nakakapagbayad ng karampatang buwis na naging dahilan upang sila ay maisyuhan ng closure order.
Ayon naman sa LGU, ang pagpapasara ng bar ay magsisilbi ring babala sa lahat ng mga may-ari ng ibat’ ibang establisyemento na sundin ang mga ipinatutupad na batas at upang ipakita ang pagiging patas sa lahat lalo’t higit ang maging isang responsableng mamamayan na sumusunod sa mga alituntunin hinggil sa tamang pagbabayad ng buwis at pagsasaayos ng mga kaukulang permit at lisensya upang maayos na maipag patuloy ang anumang negosyong papasukin.
(photo: CNPPO)
