LEGAZPI-Hinihintay na ng ilang mga nasa transport group sa Bicol Region partikular na sa lalawigan ng Albay ang ibibigay na Fuel Subsidy ng gobyerno.
Ito nga ay matapos na lumabas na ang listahan ng makakatanggap ng nasabing tulong mula sa Land Transportation Franchising and Regulatory Board o LTFRB Regional Office V.
Sa panayam ng Brigada News FM Legazpi kay Ronel Niebres, presidente ng Basta Driver Safety Enforcer, bago matapos ang buwan ng Enero, pinalabas na ang listahan at nauna ng nakatanggap ang mga driver na mayroon ng Cash Card o mga mga driver na una ng natulongan ng nasabing programa.
Aminado ito na ilan sa mga drivers tulad nya na first time makapasok sa nasabing programa, ang nakararanas ng kunting delay umano sa asistensya.
Paliwanag nya rin na malaking tulong ito sa kanila mas lalo pat tuluyang tumataas ang presyo ng gasolina.
