Kung ugaling subling ibalik sa Alert Level 3 ang Davao Region tungod sa pagsaka sa kaso sa Covid-19, mapugos matud pa ang Department of Education (DepEd) XI nga suspendihon ang gipahigayong limited face-to-face classes sa rehiyon.
Una ng gibutyag sa tigpamaba sa DepEd-XI nga si Jenielito Atillo nga pipila na ang gitugutan sa face-to-tace classes sukad niadtong Nov 2021 nga gilangkuban sa lima ka public shools sa Davao de Oro, tulo sa Davao del Sur ug usa ka pribadong skwelahan sa Davao City.
Dugang sa opisyal, isip kabahin sa expansion phase sa face-to-face classes mirekomenda matud pa sila og dugang lima ka skwelahan sa Davao City nga magpahigayon og F2F.
Sa kasamtangan, nagpabilin pa nga anaa sa Alert Level 2 ang Davao City nga mulungtad hangtod karong Enero 15, 2022.
