Patay ang limang katao sa karambola ng tatlong sasakyan sa Barangay Canda Ilaya, Lopez, Quezon nitong madaling araw ng Miyerkules, Mayo 15.
Ayon sa report, binabagtas noon ng tuktuk ang direksyong south nang masalpok ito ng truck kung saan nagliyab ito at bumangga sa bus na nasa unahan.
Binawian ng buhay ang lima sa siyam na sakay ng tuktuk kung saan ang dalawa rito ay menor de edad habang ang iba pa ay ginagamot sa hospital.
Sa ngayon, nasa kustodiya ng Lopez Municipal Police Station ang driver ng truck habang nagpapatuloy ang isinasagawang imbestigasyon ng mga awtoridad hinggil sa aksidente.