LEGAZPI CITY – Hiniling ng lokal na pamahalaan ng Malinao, Albay sa Provincial Composite Lahar Management Committee na aprubahan ang request nito para sa maayos na dredging at desilting ng kanilang Quinale River.
Ang nasabing request ay naging posible sa pamamagitan ng Resolution No. 13 s. 2024 na ipinasa ng LGU Malinao sa Provincial Engineering Office para sa pag-apruba ng Sangguniang Panlalawigan.
Ito rin ay ginawa upang maiwasan ang flash flood na nagdulot ng matinding pinsala sa mga residential house, rice farms, farm-to-market roads, tulay at iba pang imprastraktura, pang-ekonomiya at agrikultura sa nasabing bayan.
