PANINGKAMOTAN sa LGU Gensan nga makahatag og dugang kwarta sa mga empleyado sa City hall gumikan sa giaprubahan ni Pangulong Ferdinand Marcos Jr. nga Service Recognition Incentive kon SRI ug Gratuity Pay.
Sa pahayag ni City Budget Officer John Philip Quemosing gisulti niini nga wala pa naka convene ang Local Finance Committee gumikan ilaha pa nga ginapangita kung asa mokuha og pondo aron ihatag sa mga empleyado.
Gidugang ni Quemosing nga ilaha nga paningkamotan nga makahatag gayod aron malipay lakip ang mga Job Order Workers, ilaha daw paigoan ang makita nga savings.
Kahibaluan nga ang proseso kon adunay savings maghimo og sugyot ang City Budget alang sa pondo unya pa aprubahan sa Mayor ngadto sa konseho.
Gipaklaro usab ni Quemosing nga kon wala silay makita nga savings may dawaton gihapon ang mga Job Orders nga empleyado ang P20,000 nga One time salary increase samtang P80,000 nga bonus sa mga regular employees. I Ver Diazon
