Gipaubos na sa Inter-Agency Task Force on the Management of Emerging Infectious Diseases (IATF-MEID) sa Alert level 1 nga status sa COVID-19 ang dakbayan sa Lapu-lapu og Mandaue.
Gikumpirmar kini ni Dr. Mary Jean Loreche, chief pathologist sa Department of Health sa Central Visayas (DOH-7) kinsa nagsilbi usab nga health consultant sa dakbayan.
Nasayrang, bag-o lang nihangyo si Lapu-Lapu City Mayor Junard “Ahong” Chan ngadto sa IATF-MEID nga ibutang sa Alert Level 1 ang dakbayan human gituman sa siyudad ang tanang rekisitos ug na-reconcile na ang datus sa nabakunahan nga populasyon ilabi na sa mga senior citizen.
Gikatahong natala na sa dakbayan ang kapin sa 70% nga pagbakuna sa mga senior citizen , nga usa sa mga kinahanglanon sa pag-deescalate sa usa ka local government unit sa Alert Level 1.
Samtang gikalipay ni Mandaue City Mayor Jonas Cortes ang pagpa-ubos sa syduad sa Alert level 1 diin giingong dako kining tabang alang sa transition ngadto sa new normal.
Pinaagi ang pagpa ubos sa Covid-19 alert status, hinay hinay na unyang molambo ang ekonomiya sa Mandaue og sa tibuok Sugbo.
