Gitimaan karong adlawa, hulyo 17, 2024 ang unang National CPR Day human gipirmahaan ni Presidente Ferdinand Bongbong Marcos Jr. ang proclamation 511 niadtong Marso 27 ning tuiga.
Usa ang Lapu-Lapu City sa nipartisipar niini pinaagi sa pagpaubos sa 1082 ka mga trabahante sa hands-only CPR training nga gipangulohan sa 50 ka mga cardiologists gikan sa Philippine Hearts Association – Cebu Chapter ug mga volunteers gikan sa mga responders sa dakbayan, diin 400 niini mga barangay health workers.
Apan isip usa ka tourist destination ang dakbayan, dili lang ang mga nagtrabaho sa health centers ang gihatagan ug kahigayonan apan lakip na usab ang mga nagtrabaho sa terminals, merkado, city hall ug apil usab ang mga drivers.
Matud sa usa ka cardiologist nga si Dr. Caren Caudor, nga usa sa ilang gitinguha nga matag household adunay kaalam sa pag cpr tungod kay dakong tabang kini sa pagsalbar sa kinabuhi sa oras sa emerhensiya. | Kristyl Joy Felerca
