Patay na nang matagpuan ang lalaking napaulat na nawawala at huling nakita ng kaniyang mga kaibigan nooong ika-30 ng Hulyo, taong kasalukuyan.
Sa salaysay sa Brigada News Team ni Mark Jhon Preztosa, kaibigan ng nasawi na si Celso Barles, huli nilang nakasama si Celso alas-onse ng gabi noong ika-30 ng Hulyo.
Aniya, patungong Roxas ang kanilang kaibigan na nagmula sa Barangay Camaal, Quirino, Isabela gamit ang kaniyang motorsiklo.
Hanggang sa nitong umaga lamang ay napaulat nang mayroong katawan ng lalaki ang palutang-lutang sa irigasyon ng Barangay Rizal-Camaal sa nasabing bayan at kinumpirmang ito ay si Celso.
Batay naman sa mga huling nakakita sa biktima, nagpa-gas pa umano ito sa isang gasoline station at napansing lango ito sa nakalalasing na inumin.| #A.D
