Tugpa sa prisohan ang usa ka batan-on nga gidakop sa mga sakop sa San Pedro Police Station human nga nagmaoy samtang nagdaka-dala og armas.
Una niini, nagpatabang ang usa ka concern citizen kalabotan sa nagmaoy nga lalaki nga nagdala-dala og armas sa dalan sa Artiaga, Brgy. 34-D, Davao City.
Paspas nga girespondihan sa kapulisan ang maong taho, ug nakaplagan ang maong lalaki ug daling gidis-armasan.
Nakuha gikan sa suspek nga nailang si Fernando Solis Guillarte III, 25, way trabaho nga taga-Trading Boulevard, Brgy. 37-D, Davao City, ang usa ka unit caliber .38 revolver, cylinder nga giundan og upat ka mga bala ug sling bag.
Kasong paglapas sa R.A. 10591 ug Omnibus Election Code (BP 881) kalabotan sa Comelec Gun Ban ang kasong giatubang sa dinakpan.
