LEGAZPI CITY – Mas papakusugon pa kan Albay Provincial Veterinary Office an pagpupuhunan sa mga poultry farmers sa probinsya.
Katakod ini kan pigsagibong sarong semanang training sa native chicken production, healthcare management, asin product development.
Obheto kan nasambit na training pakusugon an sektor kan manukan partikularmente an pagpapadakol kan populasyon kan mga native chicken, asin pagpapakusog kan kasanayan sa meat processing kan mga poultry farmers sa probinsya.
Sa training, enot na isinagibo an native chicken meat processing siring kan value adding arog kan longganisa asin siomai.
Apwera pa digdi, nagbilog man opisina nin kooperatiba na magiging representantes sa mga pagtiripon na isasagibo kan Department of Agriculture partikularmente para sa provincial commodity.
