Pilason ang isa ka lalaki matapos nakabunggo sang layaw nga ido sa Barangay San Fernando, Pilar, Capiz.
Ginkilala ang biktima kay Vincent Villareiz, yara sa legal nga pang-edaron kag residente sang Brgy. Sta. Fe sa amo man nga banwa.
Sandig sa imbestigasyon sang Pilar Municipal Police Station, samtang nagamaneho sang iya Skygo nga motorsiklo ang biktima gikan sa Pres. Roxas padulong sa banwa sang Pilar, pag-abot sa national highway sa bahin sang Brgy, San Fernando aksidente sini nga nabungguan ang layaw nga ido nga hinali lang nagtabok sa karsada.
Bangud sini, natumba ang biktima sa iya motorsiklo kag nag-angkon sang pilas sa ulo.
Gilayon man ini nga ginpadangat sa Bailan District Hospital para sa nagakaigo nga pagbulong. | Judy Ann Juare
