Pilas sa ulo kag dughan ang naangkon sang isa ka tricyvle driver matapos ginlabo sang wala makilala nga suspetsado sa Barangay Ilawod, Pontevedra, Capiz.
Ginkilala ang biktima kay Rio Bacaro, 42-anyos, residente sang Barangay Tacas sa nasambit nga banwa.
Sandig sa imbestigasyon sang Pontevedra Municipal Police Station, nagpadulong ang biktima sa puluy-an sang iya tiyo agud magpangayo sang bulig bangud hinali nalang ini nga ginlabo kag ginbuno sang wala makilala nga suspetsado.
Gilayon nga gindala sa Bailan District Hospital ang biktima para sa nagakaigo nga pagbulong.
Sa karon, nagapadayon pa ang imbestigasyon sang kapulisan kun sin-o ang may kahimuan sa amo nga krimen. | Judy Ann Juare
