Arestado ang isa ka lalaki nga wanted sa kaso nga pagpanghimulos sa Brgy. Dayao, Roxas City takna alas 4:34 kahapon sang Lunes.
Ginkilala ang naaresto kay John Carlos Aguillon, 22-anyos, residente sang Brgy. Mongpong, Roxas City.
Ang warrant of arrest ang gin-isyu kag ginpapanaog ni Hon. Eric Anthony A Dumpilo, Acting Presiding Judge, RTC, 6th Judicial Region, Branch 14, Roxas City napetsahan Hunyo 8, 2023.
Wala sang piyansa nga ginrekomendar ang korte para sa temporaryo nga kahilwayan sang akusado. Sa karon, nagapabilin ini sa kustodiya sang Roxas City PNP para sa nagakaigo nga disposisyon. | Judy Ann Juare
