Arestado ang tatlo ka persona matapos nadakpan sa akto nga nagapatigayon sang ilegal nga pagpangisda sa kalalawran nga sakop sang Panay.
Ginkilala ang mga nagkaladakpan nga sanday Raffy Hontiveros, 33-anyos, isa ka boat captain kaupod ang duha ka crew: Rogel Bones, 32-anyos kag Rey Pandes, 28-anyos kag lunsay mga residente sang Brgy. Barra, Roxas City.
Narekober sa ila posisyon kag kontrol ang isa ka pump boat, duha ka diesel engine, fishing net with complete accessories kag mas o menus 10 kilos nga assorted nga kasag kag isda.
Ginturn-over naman sang mga otoridad sa MENRO-Panay ang mga nagkaladakpan lakip ang mga nakumpiskar nga kagamitan para sa nagakaigo nga disposisyon. | Judy Ann Juare
