Inihayag ng Department of Health (DOH) na nanatiling nasa “minimal risk” ang lahat ng rehiyon sa bansa pagdating sa COVID-19 case classification.
Sa isang media forum ay sinabi rin ni Health Undersecretary Maria Rosario Vergeire na nasa “low risk” ang lahat ng health systems capacity.
Ayon kay Vergeire, patuloy ang pagdating ng mga magagandang balita dahil sa pagbaba ng mga kaso ng COVID-19 sa lahat ng lugar sa bansa.
Base sa klasipikasyon ng DOH, ang minimal risk na ay ang pinakamababang risk case classification para sa COVID-19.
Samantala, naiulat rin ng opisyal na ang average daily cases per day ng kasalukuyang linggo ay mas mababa ng 13% kung ikukumpara noong nakaraang linggo.
