Kinilala si Frederic Aspiras bilang first-time Oscar nominee sa Best Makeup at Hairstyling Category para sa kanyang trabaho sa ‘House of Gucci.’
Kaugnay nito, aminado si Aspiras na hindi niya inaasahang mano-nominate.
Si Aspiras ay ang unang Filipino at tanging second Asian American Oscar nominee sa naturnag kategorya.
Nabatid na ang Filipino-Vietnamese-American ay hairstylist na ni Lady Gaga sa loob ng nakalipas na 15 taon.
Maliban dito, nagtrabaho rin siya sa singer-actress sa critically acclaimed film na ‘A Star is Born.’
Samantala, sa kanyang trabaho sa ‘House of Gucci,’ kinilala rin si Aspiras sa Santa Barbara International Film Festival at na-nominate sa iba pang award-giving bodies. //MHEL PACIA-TRINIDAD
