LEGAZPI CITY – Preparado na an mga personahe kan Albay Police Provincial Office (PPO) asin Philippine Army ngunyan na aldaw nin eleksyon sa Barangay asin Sangguniang Kabataan nganing syertuhon an seguridad sa banwaan kan Libon, Albay makalihis isairarom sa COMELEC control.
Ini an kinumpirmar ni PLt. Col. Ruel Pedro kan Special Task Force Libon sa Sangguniang Bayan makahilis ipresentar kaini an saindang plano para sa BSKE.
Segun kay Pedro, pigkakalkulong 479 sa presente an esfuersos na idineploy siring kan PNP, Philippine Army, Special Action Force, Philippine Coast Guard asin iba pa.
Antes ining isairarom sa COMELEC control, nakapagtaltag naman sinda nin dugang na esfuersos makahilis an haros magkakasunod na insidente nin pambabadil-gadan sa mga opisyales de barangay.
Segun pa sa opisyal, binugtakan na ninda an mga hararayong barangay siring kan Bonbon, San Jose, Macabugos, Caguscos asin Magallang.
