LEGAZPI CITY – Tinawan-doon kan Commission on Election (COMELEC) Albay na pirang dekada nang bako malaya an mga residente sa pagboto nin mga kandidato sa banwaan kan Libon huli ta igwang huma sa seguridad sa sainda.
Huli kaini, pigsyerto ni COMELEC Albay Provincial Election Supervisor Atty. Ma. Aurea Bo-Bunao na malaya nang makakapili an mga residente kun siisay an boot na botohon sa barangay asin Sangguniang Kabataan ngunyan na aldaw.
Tutukan kan PNP asin Philippine Army an gabos na mga residenteng maboroto sa polling precincts tanganing mawara an saindang takot.
Pigsyerto man ni Bunao na gabos na mga electoral boards na masirbi, tatawan nin asistensya o seguridad kontra sa mga magibong mararaot.
Kumpyansa si Bunao na magigin matoninong an eleksyon ngunyan na aldaw huli man kan saindang mga preparasyon.
