LEGAZPI CITY – Maabot sa labi 349 kilos nin basura o katumbas ki 101 na sako an nakolektar kan 218 na volunteers sa isinagibong nationwide simultaneous coastal cleanup drive sa coastal shorelines kan Brgy. Dap-Dap asin Puro sa syudad nin Legazpi katakod kan pagselebrar kan World Oceans Day na may temang “Awaken New Depths”.
Pinagpartisiparan ini kan manlain-laing ahensya de gobyerno, lokal na gobyerno kan Legazpi, barangay officials asin iba pa, kun saen kaibahan sa mga nakuang basura iyo an mga upos nin sigarilyo, plastic cups, takop kan bote, bado, tsinelas asin kadakol pang iba.
Mientrastanto, mas dakol su boot an nakuang mga basura kan nakalihis na taon na uminabot sa 838 kilos kun ikukumpara ngunyan.
Katakod kaini, pig-eenganyar an LGU asin mga komunidad na makisabay sa anuman na aktibidad na may kinaraman sa paglilinig tanganing imantenir an kalinigan sa kapalibutan.
