LEGAZPI CITY – Matrayumpong naisagibo sa SM City Legazpi an Global Youth (GYS) 2024 na pinagpartisiparan kan 350 mga estudyante asin lider na mga kabataan.
Kaibahan sa mga aktibidad an seminar asin workshops na nakatutok sa sustainable development goals asin nganing makapagtao nin ideya o magtabangan na masolusyonan an magabat na problema.
Saro an GYS sa may pinakadakol na programa para sa mga aki asin kajovenesan na nagsusuporta sa gabos na 17 UN SDGs asin kasarabay naman an The Book Nook – sarong libreng library asin community hub kun sain an mga magurang asin aki pwedesir mag-bonding sa paagi kan mga libro, workshop asin pagsuporta sa UNICEF’s Programs for Education of Children.