SUBLING gihisgotan sa GenSan City council ang kontrobersiyal nga P2.3 bilyon mallengke deal.
Kini dungan sa pag-atubang sa sesyon ni Atty. John Dominic Zafe, director IV sa Philippines Public- Private Partnership (PPP) Center.
Si Zafe ang giimbita ni Konsehal Jose Edmar Yumang aron mapasabot ang proseso sa pag-apruba sa unsolicited proposal sa Robinson Land Corportation (RLC) sa proyekto sa Central Public Market.
Dungan sa pagpresentasyon ni Zafe pinaagi sa ‘zoom’ gibutyag niini nga kabahin sa proseso sa pag-apruba sa proposal.
Apel sa proseso ang 120 days nga rebyu, desisyonan diri kung e-rebyu kini sa approving body o ibalik sa executive kung kulang ang dokumento. Una nang, mikalampag ang minorya sa deal human kini naaprubahan sa council luyo sa kakulangon sa dokumento.
Butyag ni Konsehal Froebel Kan Balleque, miyembro sa minorya nga ‘safe’ ang tubag ni Zafe sa mga pangutana nila kalabut sa deal.
Lakip ang pagkalugi sa siyudad sa gisulod sa LGU nga deal sa pribadong kompanya nga mao ang RLC.
Mikalampag niini ang mga vendor sa palengke hinungdan nga gimandu sa mayor ang pag-rebyu una sa plano. I Richel Gubalani
