Binanggit ni Senadora Risa Hontiveros sa naging press conference ngayong araw na kinukumpleto na lang nila ang kanilang imbestigasyon hinggil sa illegal na Philippine Offshore Gaming Operator.
Ito ay upang masabi na umano nila kung masasama na sa committee report ang hinihinalang totoong POGO boss.
Anya, nabanggit na ng kanilang komite ang pangalan nito noong mga nakaraang buwan at ilang beses na ring nasama ang pangalan nito sa mga dating imbestigasyon ng Senado.
Samantala, positibo ang senadora na mas mabubuo na ang kwento hinggil sa naging POGO operation sa tulong ng pagkaaresto sa di umano’y POGO godfather na si Lyu Dong o mas kilala sa Boss Boga.
