Naninahan sa ueo ag parte it kaeawasan ru sangka myembro’t Philippine Army ag angkas sa motorsiklo matapos aksidenting mabanggaan it truck sa karsadahon it Brgy. Libas, Bnaga, Aklan.
Sa report, nakilaea ru biktima nga si Private 1st Class Dexter Camarao, 28 anyos nga presenting naka-assigned sa Camp Jismundo, Banga, Aklan.
Angkas man sa motorsiklo si Romelo Belloca, 25 anyos ng Poblacion, Tapaz, Capiz.
Samtang, nakilaea man ru driver it truck nga si Jonel Patricio, 38 anyos it Brgy. Guinbaliwan, New Washington,
Halin sa Poblacion, Banga ru mga biktima paadto it Libas kat matabo ru aksidente.
Presenting sa kostudiya eon it Banga PNP ru driver it truck para sa naga kaigong disposisyon.//MARIVIC Y. ILIN
