Amat-amat nga nagnaba ro kaso it covid-19 sa banwa it Kalibo.
Base sa datus it Provincial Epidemiology and Surveillance Unit it Aklan Provincial Hospital, ro Kalibo hay may kabilugan nga 1,188 nga kaso halin kat mag-umpisa ro pandemya.
Sa nasambit nga numero, 953 ro nakarekober o nagmayad samtang 193 ro aktibong kaso.
Samtang, padayun gihapon ro paghueat it LGU Kalibo it go signal halin sa manufacturer it covid vaccine nga AstraZeneca para sa andang ginbakae nga bakuna. / ANN DESLENE SALAZAR
