DUNGAN sa pagbalik sa season sa pag-ulan, mibalik usab ang resgo nga makaangkon og leptospirosis. Ang bacterial, water- borne nga sakit nga posibleng makamugna og kidney damage, meningitis, liver failure, respiratory distress ug pagkamatay kung wala gilayong nareport.
Kini ang pahimangno sa mga opisyal sa Sarangani Provincial Health Office (PHO) kalabut sa maong sakit. Sa datus gikan sa Provincial Epidemiology and Surveillance Unit (PESU) gikan Enero 1- May 26, 2022. Narekord ang napulo (10) ka kaso sa leptospirosis sa probinsiya asa walo niini ang natala sa Maitum.
Sa maong ihap sa kaso, duha niini ang gikataho ngadto sa PESU nga namatay human wala gilayong mareport ang sakit. Ang pag-ulan ang sagad moresulta sa pagbahad, hinungdan nga nagpahimangno ang health authorities sa probinsiya nga mag-amping aron malikayan nga matakboyan sa makamatay nga sakit. Usa sa hinungdan sa leptospirosis mao ang exposure sa kontaminadong tubig samad sa baha. I Richel Gubalani
