DUNGAN sa nagkaduol nga pagsugod sa kampanya alang sa lokal nga posisyon, nagpahimangno ang kapulisan sa pagsunod sa guidelines nga gitakda sa Commission on Election (Comelec) tungod sa Covid-19 pandemic.
Gibalik ni PBGen. Alexander Tagum, director sa Police Regional Office (PRO) 12 ang probisyon nga napatik sa Comelec Resolution No. 10732 nga natakda og mando sa pagpahigayon og physical campaign, rallies, meetings ug ubang aktibidad.
Angayang usab hugot nga ma-obserba ang minimum public health standards. Giawhag ni Tagum ang tanang kandidato nga mokuha og usa og permit bag-o magpahigayon sa election campaign. Kinahanglan dunay aprub nga election campaign permits nga gi-file 72 ka oras bag-o ang aktwal nga kampanya.
Ang in-person campaign, ang aplikasyon kinahanglan dunay attached nga proof sa mga kauban. Kinahanglan usab mokuha og permit gikan sa LGU ang mohimo og motorcades, caravans, rallies ug miting de avance. Samtang naa sa 3,194 pulis ang gipakatag sa PRO-12 sa 194 ka Comelec checkpoints sa rehiyon. I Richel Gubalani
